Vaktsına týraly ertegi kitapqa balalar baıqaýyndaǵy úzdik sýretter tańdalynyp alyndy

Jeńimpazdardyń sýretteri erteginiń sıýjetterin árleý maqsatynda kitapqa enedi. Nátıjesinde alǵashqy ret balalardyń ózderi jasaǵan kitaby jaryqqa shyǵady. Atalǵan konkýrs 2017 jyldyń 3 maýsymynan bastap tamyzdyń 15 deıin jalǵasty. Sýretter jınalyp bolǵan soń, ádilqazylar alqasy músheleriniń otyrysynda 15 jumystyń jeńimpazdary tańdap alyndy. «Erjúrek Vaktsına» atty ertektiń avtory fılolog, QR eńbegi sińgen pedagog Muhan Qýatbaev.

«Osy ertegi kitapty jazý ıdeıasy meniń ákeme urpaq sabaqtastyǵyna arnalǵan memýarynda óziniń ata teginiń tarıhyn kórsetýine negiz boldy, - dep áńgimeledi «Vaktsınologııa» qoǵamdyq birlestiginiń prezıdenti Aınagúl Qýatbaeva. «Meniń ákem otbasyndaǵy 14-shi bala jáne bir anadan týǵan ákemniń 15 aǵa-qaryndastarynan - tek úsheýi ǵana tiri qalǵan. Oǵan birneshe jyl saıyn bolatyn juqpaly aýrýlar sebepshi bolǵan. Onyń ústine Qazaqstanda vaktsınatsııa 40 jyldardyń basynda ǵana belsendi túrde ene bastady. Vaktsınatsııa engizilgenge deıin juqpaly aýrýlar myńdaǵan adamdardyń ómirin qıǵan, al endi tiri qalǵandarynyń ishinde múgedek bolyp qalǵandary qanshama. Qazirgi kúni ákemniń 21 nemeresi bar, árıne ol bala-shaǵań men týystaryńnyń qasyńda bolǵany qanshalyqty baqyt ekendigin aıtyp otyrady. Eń aldymen bul ertegini ákem óziniń nemereleri úshin jazdy jáne nemereleriniń óz densaýlyǵyn balalyq shaǵynan saqtaýy kerektigin túsindirý maqsatynda óz túsinigi men bilimin berý negizgi maqsaty boldy. Sonymen qatar, kózge kórinbeıtin jaýyzdyqqa vaktsınatsııa jasaý kerektigin kórsete otyryp, balalardyń ekpe alýdan qoryqpaýyna da úndeý salyp otyr», - dedi Aınagúl Muhanqyzy.

Atalǵan jobany ádilqazylar alqasy quramynda QR Májilisiniń depýtaty, Balalardyń quqyqtaryn qorǵaý isteri boıynsha ókili Zaǵıpa Balıeva, «Ǵylymı-medıtsınalyq qoǵam» qoǵamdyq birlestiginiń tóraıymy Sýrııa Esentaeva, QR Densaýlyq mınıstrliginiń Qoǵamdyq densaýlyq saqtaý komıtetiniń Sanıtarııalyq-epıdemıologııalyq saraptama jáne monıtorıng ǵylymı-praktıkalyq ortalyǵynyń bas dırektory Erkin Dúrimbetov, Qazaqstan Respýblıkasyndaǵy Pfizer Export B.V. kompanııasynyń vaktsına departamentiniń meńgerýshisi Ásel Shoqaeva, Qazaqstan sýretshiler odaǵynyń múshesi, sýretshi Marat Bekeev, mýzykalyq prodıýser, mýzykant Nurlan Qarajigitov, prodıýser, telejúrgizýshi Serik Aqyshev qoldaý kórsetti.

«Óz densaýlyǵyńa qamqor bolý - bul balalardy erte jastan tárbıeleýge qajetti mádenıettiń, ómir saltymyzdyń bir bóligi. Bul jobany óte jaqsy bastaý dep qarastyrýǵa bolady. Biz úlken azamattyq erlikke umytylyp, turǵyndar arasynda medıtsınalyq saýattylyqty kóterý baǵytynda belsendi jumys isteýimiz kerek jáne aǵartý-áleýmettik jobalaryna Qazaqstannyń bolashaǵyna janashyr adamdardyń barlyǵyn qatystyrý kerek», - dep málim etti Májilis depýtaty, QR Balalardyń quqyqtaryn qorǵaý isteri boıynsha ókili Zaǵıpa Balıeva.

Konkýrsqa 3 pen 8 jas aralyǵyndaǵy balalar qatysty. Atalǵan ertegi jáne konkýrs sharttary aldyn ala www.konkurs.nmo.kz saıtynda jarııalandy, balalar usynylǵan 5 taqyryptyń bireýin tańdap óz óner týyndysyn elektrondyq mekenjaıǵa jiberý múmkindigine ıe boldy. Sonymen qatar, konkýrs aıasynda Almaty, Astana, Aqtaý, Qaraǵandy, Shymkent qalalarynyń iri saýda ortalyqtarynda sýret salýǵa arnalǵan balalar alańdary uıymdastyryldy.

«Qatysýshylardyń 3 ten 8 jasqa deıin tańdalyp alynýy kezdeısoqtyq emes, sebebi osy jas aralyǵyndaǵy balalar sanasynda densaýlyq jáne medıtsına týraly maǵlumattardyń irgesi belsendi túrde qalanady. Óz kezeginde, osy jas toptaryndaǵy balalardyń ata-analary juqpaly aýrýlardyń aldyn alýyna arnalǵan sharalar týraly negizdelgen aqparattarǵa zárý», - deıdi «ǴMQ» QB tóraıymy Sýrııa Esentaeva.

Bul joba «Ǵylymı medıtsınalyq qoǵam» jáne «Vaktsınologııa» qoǵamdyq birlestikteriniń uıymdastyrýmen jáne QR Densaýlyq saqtaý mınıstirligi, Qazaqstan Respýblıkasyndaǵy Pfizer Export B.V. kompanııasynyń fılıaly, Mega Park, Mega Silkway saýda oıyn-saýyq ortalyqtary jáne Next oıyn-saýyq ortalyqtarynyń qoldaýymen iske asyrylýda.

«Biz ózimizdiń negizgi qyzmetimiz - ımmýnoprofılaktıka, onkologııa, júrek-qan tamyr júıesine, revmatologııa jáne sırek kezdesetin aýrýlarǵa arnalǵan ınnovatsııalyq tıimdi preparattardy jasaýdan basqa - Pfaızer kompanııasy áleýmettik jaýapty bola turyp, halyq arasynda bilim jáne aǵartý jumystaryna arnalǵan áleýmettik jobalardy qoldaımyz. Qoǵamdyq densaýlyqty jetilistirý kóp jaǵdaıda azamattardyń óz densaýlyǵyna durys qarym-qatynasta bolýyna baılanysty. Bul maqsatqa jetý úshin adamdardyń ómirin saqtap jáne onyń sapasyn jaqsartýda birlesip is-áreket jasaýymyz kerek», - dedi Qazaqstan Respýblıkasyndaǵy Pfizer Export B.V. kompanııasynyń fılıalynyń dırektory Mahmatov Maýsyr.

Baspasóz máslıhaty barysynda konkýrstyń qazylar alqasy jeńimpazdardyń esimderin jarııalady. Sonymen qatar, 2017 jyldyń 16 men 23 tamyz aralyǵynda ótken onlaın daýys berý qortyndysy boıynsha úzdikterdi anyqtady.

Ertegi kitap 2017 jyly 17-18 qarashasynda Almaty qalasynda ótetin «Sený jáne ómir súrý» áleýmettik-medıtsına forýmy jumysynyń aıasynda kópshilikke tanystyrylady. Qazirgi ýaqytta baıqaýdyń uıymdastyrýshylary ertegi kitapty emhanalar jáne kitaphanalarda tegin taratý maqsatynda ony jaryqqa shyǵarýǵa jáne kóbeıtý seriktester izdestirýde.

Jeńimpazdardyń esimderi:

Jas toptary: 3-4 jas

№ 1 taqyryp: Sum Jeztyrnaq pen onyń kómekshileri -Sofııa Stefanovskaıa, 4 jas, Almaty q-sy.

№ 2: Vaktsınanyń dúnıege kelýi -Katerına Kýcheva, 4 jas, Qaraǵandy oblysynyń Osakarovka kenti.

№ 3: Jeztyrnaq jaqyndap keledi - Aıjan Rahımbek, 4 jas, Prıozersk q-sy.

№ 4: Vaktsına men bakterııalardyń shaıqasy -Veronıka Jýravleva, 4 jas, Shahtınsk qalasy.

№ 5: Vaktsınanyń jeńýi -Marıam Túgelova, 4 jas, Aqtaý qalasy.

Jas toptary: 5-6 jas

№ 1 taqyryp: Sum Jeztyrnaq pen onyń kómekshileri -Aleksandr Skakýnov, 5 jas, Petropavl q-sy.

№ 2 taqyryp: Vaktsınanyń dúnıege kelýi - Adııa Fomına, 6 jas, Kókshetaý q-sy.

№ 3 taqyryp: Jeztyrnaq jaqyndap keledi - Jansaıa Aldabergen, 5 jas, Prıozersk q-sy.

№ 4 taqyryp: Vaktsına men bakterııalardyń shaıqasy -Danııar Tólegenov, 5 jas, Petropavl q-sy.

№ 5 taqyryp: Vaktsınanyń jeńýi - Ámına Bekejanova, 6 jas, Almaty q-sy.

Jas toptary: 7-8 jas

№ 1 taqyryp: Sum Jeztyrnaq pen onyń kómekshileri -Adelııa Bestonova, 8 jas, Semeı q-sy

№ 2 taqyryp: Vaktsınanyń dúnıege kelýi - Dinmuhamed Pernebek, 7 jas, Almaty oblysy Bekbolat aýyly

№ 3 taqyryp: Jeztyrnaq jaqyndap keledi -Albına Nurlan, 7 jas, Kyzylorda q-sy

№ 4 taqyryp: Vaktsına men bakterııalardyń shaıqasy - Ámına Qasymova, 8 jas, Astana q-sy

№ 5 taqyryp: Vaktsınanyń jeńýi - Ábilmansur Janat, 8 jas, Qaraǵandy q-sy