Vaktsına saldyrýdy keıinge qaldyrmaý kerek – Mahambet Dosmuhambetov
Oblys ákimi bul pikirin vaktsına saldyrý máselesine qatysty ótkizgen keńeste bildirdi.
«Sońǵy on kúnde vaktsına saldyrý qarqyny jaqsarǵanyna qaramastan, aýdandardaǵy kórsetkish áli de tómen. Atap aıtqanda, Jylyoı aýdanynda – 19,5, Maqatta – 28,2, Isataıda – 36,2, Qyzylqoǵa aýdanynda turǵyndardyń 36,5 paıyzy vaktsına aldy. Sol sebepten, osy máselege qatysty ahýaldy tikeleı óz baqylaýymda ustaımyn», - deıdi Mahambet Dosmuhambetov.
Oblystyq densaýlyq saqtaý basqarmasynyń basshysy Ashan Baıdýálıevtyń málimetine qaraǵanda, 16 tamyzda ınfektsııalyq statsıonarlardyń jansaqtaý bóliminde 87 naýqas jatqan. Onyń ishinde 15 patsıent ókpeni jasandy jeldetý apparatyna qosylǵan.
Mahambet Dosmuhambetov turǵyndar arasynda túsindirý jumysyn jandandyryp, vaktsınadan bas tartý sebepterin anyqtaýdy tapsyrdy.
«Vaktsına almaǵandar adamdar aýyryp, jazylǵan sııaqty qaýip aımaǵynda bolady. Eger biz adamdardan aıyrylǵymyz kelmese, ádettegi ómir yrǵaǵyna oralýdy qalasaq, múmkindiginshe kóp adam ekpe alýy kerek. Sondyqtan, vaktsına saldyrýdy keıinge qaldyrmaý kerek» dedi oblys ákimi.
Eske sala ketelik, buǵan deıin Atyraý oblysynda vaktsınanyń eki komponentin 119 429 adam saldyrǵanyn jazǵan edik.
