Vaktsına saldyrý úshin turǵylyqty jeri boıynsha tirkelý kerek pe

ALMATY. QazAqparat - Almatyda koronavırýs vaktsınasyn saldyrý úshin turǵylyqty jeri boıynsha tirkelý talap etile me? Bul saýalǵa onlaın brıfıng barysynda qalalyq qoǵamdyq densaýlyq saqtaý basqarmasynyń bastyǵy Narıman Tabynbaev jaýap berdi, dep habarlaıdy QazAqparat tilshisi.

Onyń aıtýynsha, almatylyqtardyń basym bóligi vaktsınany tirkelgen emhanalarynda saldyrady.

«Eger ol Almaty qalasynyń turǵyny bolsa jáne jumys orny boıynsha jaqyn klınıkaǵa júginse, onda odan eshkim bas tartpaıdy. Bizde qalaǵa kelip, osynda jumys isteıtin adamdar bar. Mysaly, Almatyda jumys isteıtin medıtsına qyzmetkerleriniń 30% - qala syrtynan keletinder. Qalalyq densaýlyq saqtaý basqarmasy medıtsınalyq mekemelerge jumys ornynda vaktsına egýge ruqsat berdi. Almatyda turatyndardyń barlyǵyna ekpe qoljetimdi. Eger olar tirkelgen emhanasynda saldyrǵysy kelse, jazylyp, kezekke tura alady», - dedi ol.

Buǵan deıin Narıman Tabynbaev Almatyda koronavırýsqa qarsy vaktsınatsııa birneshe kúnge shekteletinin málim etken bolatyn.