Vaktsına saldyrǵannan keıin vırýs juqtyrý múmkin be – dáriger jaýaby
ALMATY. QazAqparat - Almaty qalasy №20 emhana bas dárigeriniń orynbasary Marjan Álıeva onlaın brıfıng barysynda «Spýtnık V» vaktsınasynyń adamdy qanshalyqty qorǵaı alatynyn aıtty, dep habarlaıdy QazAqparat tilshisi.
Onyń aıtýynsha, zertteýlerge sáıkes «Spýtnık V» vaktsınasynyń tıimdiligi - 91,6%.
«Bul kórsetkish «Spýtnık V» vaktsınasyn alǵan 19 866 erikti týraly málimetter negizinde jasaldy»,- deıdi dáriger.
Sonymen qatar ol «vaktsına alǵan adam koronavırýspen aýyrýy múmkin be?» degen saýalǵa jaýap berdi.
«Qazir osyǵan baılanysty arnaıy zertteýler júrgizilip jatyr. «Spýtnık V» vaktsınasynda ımmýnıtet 2 jylǵa jýyq saqtalady. Bul vaktsına eki kezeń boıynsha salynady, adam alǵash ekpeni alǵan kezde kópshilik jerge shyqpaǵany jón, bul aralyqta ımmýnıtet qalyptasady. ıAǵnı bul kezde koronavırýspen aýyryp qalý qaýpi bar»,-deıdi Marjan Álıeva.
Sonymen qatar, ol áleýmettik jelide vaktsınaǵa qatysty túrli qaýeset tarap jatqanyn tilge tıek etti.
«Emhananyń koll-ortalyǵyna vaktsına salý boıynsha turǵyndar habarlasyp, qyzǵýshylyq bildirip jatyr. Sondaı-aq qoǵamda vaktsınaǵa qatysty úreı de bar. Áleýmettik jelilerde bul adamdy «chıpteý» nemese onyń keri áseri bar degen maǵynada qaýeset tarap jatyr. Desek te, eresekter bul vaktsınanyń qaýipti indetti jeńýdiń jalǵyz joly ekenin biledi. Vaktsına qalypty ómirimizge oralýǵa kómektesedi»,-dedi ol.
