Vaktsına pasportynyń qaǵaz nusqasyn qalaı alýǵa bolady
ALMATY. QazAqparat - Almatydaǵy 36-shy emhananyń bas dárigeri Gúljanat Tilegen vaktsınalaý pasportynyń qaǵaz nusqasyn qalaı alýǵa bolatyndyǵyn jáne bul júıe ne sebepti engizilgenin túsindirdi, dep habarlaıdy QazAqparat tilshisi.
Dárigerdiń aıtýynsha, qaǵaz nusqadaǵy vaktsınatsııalaý qujatyna arnaıy QR kod basyp shyǵarylady.
«Bizde 65 jastan úlken adamdar, sozylmaly aýrýlary bar jáne dıspanserlik esepte turǵan adamdar kóp. Kóptegen adamdar smartfondy paıdalanýdy bilmeıdi. Mundaı adamdarǵa qaǵaz júzindegi vaktsına kýálikteri kómekke keledi», - dedi Gúljanat Tilegen.
Qaǵazdan anyqtama alý úshin azamattar vaktsınatsııa pýnktine nemese emhanaǵa júginýi kerek.
«Pasporttyń qaǵaz túri «Vaktsınatsııanyń biryńǵaı bazasy» arqyly beriledi. Bul málimetter bazasynda medıtsınalyq mekemeniń qyzmetkeri adamnyń JSN engizip, vaktsınatsııa týraly qajetti málimet taba alady. Logın men parolge ıe dáriger nemese meıirbıke qyzmetkerleri ǵana málimetter bazasyna qol jetkize alady», - dedi dáriger.
Sonymen qatar, ol qaǵaz vaktsınatsııa pasporty QR-kodpen rásimdeledi, ony suranys orny boıynsha kire beriste skanerleýge bolady.
«Kez kelgen adam egý tólqujatyn egov mobıldi qosymshasy arqyly júkteı alady, ony qaraý úshin ETsQ kilti qajet emes, birrettik qupııa sózdi SMS arqyly engizý jetkilikti, biraq telefon bolýy qajet JSN-men baılanystyrylǵan jáne sertıfıkat vaktsınatsııa bazasy arqyly, vaktsınatsııa modýli arqyly beriledi. Bul jalǵyz aıyrmashylyq. Bul smartfondardy qoldana almaıtyndarǵa jáne qosymshaǵa qol jetkize almaıtyndarǵa yńǵaıly», - dedi spıker.
Vaktsına pasportynyń qaǵaz nusqasy 1 maýsymnan bastap berile bastady. Búgin atalǵan emhanadan tórt adam aldy.
