Vaktsına koronavırýstyń jańa shtamdarynyń aldyn alýda qanshalyqty tıimdi

NUR-SULTAN. QazAqparat – Profılaktıkalyq medıtsına akademııasynyń sarapshysy Baýyrjan Júsipov koronavırýsqa qarsy vaktsınanyń tıimdiligin atady, dep habarlaıdy QazAqparat tilshisi.

«Vaktsınanyń tıimdiligi jaıynda sóz qozǵaǵanda eń aldymen onyń juqtyrý jaǵdaılarynyń aldyn alýdaǵy tıimdiligine nazar aýdaramyz. Zertteý júrgizilgen kezde tek juqtyrý jaǵdaılary ǵana emes, sonymen birge aýyr túrleriniń aldyn alý, ólim-jitimdi boldyrmaý derekteri qaperge alynady», - dedi ol Ortalyq kommýnıkatsııalar qyzmetindegi baspasóz máslıhaty barysynda.

Onyń atap ótýinshe, qazirgi tańda qoldanysqa engizilgen vaktsınalar, onyń ishinde «Astra Zeneca» vaktsınasy juqtyrýdyń jańa jaǵdaılarynyń aldyn alýda tıimdiligi tómen bolǵanymen adam aǵzasyn qorǵaýda jaqsy nátıje kórsetip otyr.

«Biz qaıta juqtyryp almaý úshin ǵana vaktsınatsııa jasaý kerek dep otyrǵanymyz joq. Vaktsına saldyrsaq, vırýs juqtyryp alǵan kúnniń ózinde aýrýdyń aýyr túri men ólim-jitimniń aldyn ala alamyz», - dedi Baýyrjan Júsipov.