Vaktsına: Elorda turǵyndaryna taǵy da úndeý jasaldy

NUR-SULTAN. QazAqparat - Elorda turǵyndary halyqty tek óziniń ǵana emes, ózgelerdiń de densaýlyǵyn qorǵaý úshin jaqyn arada vaktsınatsııadan ótýge shaqyrady. Osylaısha, ujymdyq ımmýnıtet qalyptasady, bul karantın men shekteý sharalarynsyz ómirge qaıta oralýǵa múmkindik beredi, dep habarlaıdy Nur-Sultan ákimdiginiń resmı saıty.

Elordada epıdemıologııalyq ahýal áli de turaqsyz. Infektsııa juqtyrǵandar sany kóp. COVID-19 juqtyrǵandar qatarynyń azaıǵanyna qaramastan, Nur-Sultan epıdemıologııalyq jaǵdaıdy baǵalaý boıynsha «qyzyl» aımaqta qalyp otyr. Bul jaǵdaıdan shyǵýdyń jalǵyz kepildendirilgen joly ekpe bolyp sanalady.

«Pandemııa eki jylǵa jýyq ýaqytqa sozyldy. Úmit úzilýge shaq qalǵanda vaktsına jasap shyǵardy, endi, men otbasymnyń qaýipsizdigi men densaýlyǵyna alańdamaımyn. Máselen, qazir olarmen saıabaqta erkin júre alamyn», - dedi Nur-Sultan qalasynyń turǵyny Marlen Azamatuly.

Pandemııa qyzmet kórsetý salasynyń jumysyna da áser etti. Májbúrli karantındik shekteýler kásipkerlik obektileriniń ǵana emes, sondaı-aq olardyń qyzmetkerleriniń tabys deńgeıine de keri áserin tıgizdi. Elordanyń qoǵamdyq tamaqtaný mekemeleriniń qyzmetkerleri de azamattardy múmkindiginshe tezirek vaktsınatsııadan ótip, qalypty ómirge oralýǵa shaqyrady.

«Ekpeniń arqasynda biz qonaqtarymyz ben ózimizdiń densaýlyǵymyz úshin alańdamaımyz. Jaqyn arada biz qandaı da bir shekteýsiz tolyq qýatta jumys isteı alamyz dep úmittenemin jáne soǵan senemiz», - dedi «Kóktem» kafesiniń daıashysy Zınaıda Tımoshına.

Pandemııa bastalǵannan beri ásirese, dárigerler men medbıkelerge úlken kúsh tústi. Medıtsına mekemeleriniń qyzmetkerleri ekinshi jyl qatarynan patsıentterdiń densaýlyǵy men ómiri úshin kún saıyn kúresip keledi. Endi ekpe sııaqty qýatty qarý paıda bolǵannan keıin, olar qaýipti ınfektsııadan qorǵanýdyń bul jolyn tezirek qoldanýǵa shaqyrady.

«Vaktsınatsııa – bul qazirgi jaǵdaıdan shyǵýdyń birden-bir joly. Tek koronavırýstyq ınfektsııaǵa qarsy vaktsınatsııa bizge qaýipsizdikti jáne qalypty ómirge oralýdy qamtamasyz ete alady. Men barshańyzdy birigýge jáne ujymdyq ımmýnıtet qalyptastyrýǵa shaqyramyn», - dedi №7 qalalyq emhananyń terapevti Álııa Óskenbekova.

Aıta ketý kerek, búgingi tańda elordada COVID-19 vırýsyna qarsy ekpeniń birinshi komponentin 416 500 azamat aldy, al 355 myńnan astam adam tolyq ımmýndaýdan ótti.