Vaktsına egý: Almatyda 214 pýnkt jumys istep tur
ALMATY. QazAqparat - Almaty qalasynda bir táýlikte 2 927 adam koronavırýsqa qarsy vaktsına saldyrdy, dep habarlaıdy QazAqparat tilshisi.
Basqarma taratqan málimetke sáıkes, 19 mamyr kúni 2 927 almatylyq vaktsına saldyrdy. Bıylǵy jyldyń 1 aqpany men 19 mamyr aralyǵynda qalada barlyǵy 280 071 adamǵa ekpe salyndy. Vaktsınatsııanyń jalpy sanynan 60 jastan asqan qart kisiler sany - 30 531.
«Búgingi kúnge deıin qazaqstandyq QazVac vaktsınasyn 3000 adam aldy. 3 mamyr kúni qytaıdyń Sinopharm vaktsınasy 15 000 dozasy jetkizildi, onyń birinshi komponenti boıynsha 5 597 adamǵa vaktsına egildi» - dep atap ótti basqarmadan.
Búgingi kúni qalada 214 pýnkt jumys istep tur. 1 282 adamnan turatyn 315 egý brıgadasy bar. Sonymen qatar, 40 kóshpeli mobıldi brıgada uıymdastyryldy.
«Qazirgi medıtsınalyq uıymdarda, mektepterde, mádenıet, sport obektilerinde, bazarlar men qalanyń SOSO-da vaktsınatsııa pýnkti jumys isteıdi» - dep naqtylady Qoǵamdyq densaýlyq saqtaý basqarmasy.
