Vaktsına boıynsha AQSh kompanııalarymen kelissóz júrgizilip jatyr - Alekseı Tsoı

NUR-SULTAN. QazAqparat - Búgin halyq aldynda esep berý kezdesýinde QR Densaýlyq saqtaý mınıstri Alekseı Tsoı koronavırýsqa qarsy vaktsınany jetkizý boıynsha sheteldik kompanııalarmen aradaǵy kelissózder týraly aıtty, dep habarlaıdy QazAqparat tilshisi.

«Bul qadamdar vaktsınanyń qoljetimdigine baılanysty. Atap aıtqanda, amerıkalyq kompanııalarmen tıisti kelissózderdi júrgizip jatyrmyz. Qazirgi ýaqytta vaktsınany jetkizý boıynsha naqty merzim bolmaı tur. Negizinen, bıyl jyldyń ekinshi jartyjyldyǵyna belgilenip tur», - dedi mınıstr Ortalyq kommýnıkatsııalar qyzmetinde.

«Bul kelissózderdi júrgizip jatyrmyz. Naqty aqparat bolǵanda jáne jetkizý merzimin naqtylasaq, bul málimetti jarııalaıtyn bolamyz», - dediń A. Tsoı.

Budan buryn habarlanǵandaı, Qazaqstanǵa arab vaktsınasy jetkiziledi.

Osy arqyly elimizde KVI-ge qarsy úsh vaktsına qoljetimdi bolady.