Vaktsına alyp jatqan astanalyqtar az – basqarma
NUR-SULTAN. QazAqparat – Nur-Sultan qoǵamdyq densaýlyq saqtaý basqarmasy basshysynyń orynbasary Álııa Rústemova qala aýmaǵynyda qosymsha ekpe pýnkteri ashý múmkindigi týraly aıtty, dep habarlaıdy QazAqparat tilshisi.
«Egý pýnkteri ashylǵan saýda ortalyqtary men bazarlarǵa keletin bolsaq, búginde olar qala boıynsha jetkilikti dep oılaımyn. Aýrý qaýpi vaktsınalaý júrgizgen kezge qaraǵanda joǵary. Saýda ortalyqtaryna vaktsınalaýǵa kóp adam kelip jatqan joq. Kúnine 28 adam shamasynda ǵana. Bul jetkiliksiz ekenin túsinikti shyǵar. Senbi-jeksenbide barlyq saýda ortalyqtary ashyq, osy kúnderi adamdar kóp kirgenimen, tek 28 adam vaktsınatsııalanǵan. Sondyqtan, ázirge qosymsha egý pýnkterin ashpaımyz dep oılaımyn», - dedi qalalyq qoǵamdyq densaýlyq saqtaý basqarmasy basshysynyń orynbasary.
Álııa Rústemova saýda ortalyqtaryndaǵy egý beketterinde aýrý juqtyrý qaýpi týraly boljamdarǵa pikir bildirdi.
«Men buǵan kelispeımin. Saýda-oıyn-saýyq ortalyqtaryndaǵy jáne bazarlardaǵy barlyq egý pýnkteri sanıtarlyq talaptardy saqtaı otyryp ashylǵan. Jumys sanıtarlyq-epıdemıologııalyq baqylaý departamentimen birlesip júrgizildi. Qorytyndy mindetti túrde beriledi. Departament qyzmetkerleri nysan basshylaryna barlyq qajetti sharttardy saqtaý úshin nusqaý berip otyr», - dedi maman.
