Vaktsına alýdy májbúrleý sharalaryna barmaımyz – Memleket basshysy
NUR-SULTAN. QazAqparat – Vaktsına alǵysy kelmeıtin adamdar birdeı emes jáne olarmen jumys isteýde ártúrli tásildi qoldaný qajet. Bul týraly Memleket basshysy elimizdegi koronavırýs indetine baılanysty epıdemıologııalyq ahýal jóninde keńeste aıtty, dep habarlaıdy QazAqparat tilshisi.
«Vaktsına alǵysy kelmeıtin adamdarmen jumys isteýde ártúrli tásildi qoldaný qajet. Bul top birkelki emes. Vaktsınadan bas tartýdyń sebepteri de ártúrli. Mundaı adamdar arasynda sheshim qabyldaı almaı júrgender kóp», - dep atap ótti Prezıdent.
Memleket basshysy barlyq quraldarmen, onyń ishinde áleýmettik jeliler arqyly olardy sendirýdi, kózin jetkizýdi tapsyrdy.
«Batystyń keıbir damyǵan elderi sendirý ádisterinen májbúrleý sharalaryna aýysýda. Іri eńbek ujymdarynyń qyzmetimen baılanysty erekshe jaǵdaılardy qospaǵanda, biz mundaı qadamǵa barmaımyz. Óıtkeni «qyńyr» antıvakserlerdiń shaǵyn toby kesirinen óz eńbegimen otbasylarynyń ál-aýqatyn qamtamasyz etip júrgen azamattarymyzdyń densaýlyǵyna qaýip tóndire almaımyz», - deıdi Q. Toqaev.
Aıta keteıik, Prezıdenttiń qatysýymen elimizdegi koronavırýs indetine baılanysty epıdemıologııalyq ahýal jóninde keńes ótip jatyr. Bul týraly Aqordanyń Twitter-degi paraqshasynda habarlandy
