Vaktsına almaı turyp antıdeneniń bar-joǵyn anyqtaý mańyzdy ma
NUR-SULTAN. QazAqparat – Nur-Sultan qalasynyń qoǵamdyq densaýlyq saqtaý basqarmasynyń basshysy Tımýr Muratov koronavırýsqa qarsy vaktsına egý aldynda antıdenelerdiń bar-joǵyn anyqtaý qajettiligine qatysty pikir bildirdi, dep habarlaıdy QazAqparat tilshisi.
«Vaktsına almaı turyp aǵzada antıdeneniń bar-joǵyn tekserý kerek pe? Qazir osyndaı suraq kóp. Óndirýshilerdi bári, Dúnıejúzilik densaýlyq saqtaý uıymynyń sarapshylary aýrýdan keıin alty aı ótken bolsa, antıdeneniń bar-joǵyn tekserýdiń qajeti joq degen usynys aıtýda. ıAǵnı, ekpe alǵan jón», - dedi Tımýr Muratov ákimdikte ótken dóńgelek ústel barysynda.
Ol, sondaı-aq, antıdenelerdiń tıimdiligi týraly naqty málimetter joq ekenin eske saldy.
«Antıdenelerdi anyqtaǵannan keıin qandaı usynystar beriledi? Ázirge naqty sheshim joq jáne munyń bári vaktsınanyń paıdaly ekenin kórsetedi. Mysaly Birikken Arab Ámirlikterinde antıdenelerdi anyqtaýǵa jáne halyqty adastyrmaýǵa tyıym salynǵanyn qosymsha habarlaǵym keledi», - dep tolyqtyrdy Tımýr Muratov.
Sóz sońynda qajet bolǵan jaǵdaıda antıdenelerdiń bolýyna taldaýdy kommertsııalyq jeliniń kez-kelgen zerthanasynda tapsyrýǵa bolatyndyǵyn da aıtty.
