Vaktsına almaǵan týrısterdiń Eıfel munarasyna kirýine tyıym salynady
Parıjde Frantsııanyń basty sımvolyna kelýshilerge shekteý qoıady.
Eıfel munarasyna koronavırýsqa qarsy vaktsınatsııalanǵan adamdarǵa ǵana kirýge ruqsat etiledi. Munara búginnen bastap kelýshilerge ashylady.
«Biz kóne ǵımaratty talǵampazdyqpen jáne uqyptylyqpen oıatýǵa daıyndalyp jatyrmyz, óıtkeni ol 250 kún jabyq bolyp uıyqtaǵandaı múlgip tynysh tur edi», - dedi munara operatorynyń jetekshisi Jan-Fransýa Martın.
20 shildege deıin Eıfel munarasy barlyq adam úshin ashyq bolady, biraq 21 shildeden bastap koronavırýsqa qarsy vaktsınatsııalanbaǵan azamattarǵa kirýge tyıym salynady.
Sonymen qatar, áleýmettik araqashyqtyqty saqtaý úshin kelýshiler sany kúnine 10 myń adammen shekteledi.
Martınniń aıtýynsha, jaqyn arada mundaı shekteýler Frantsııadaǵy barlyq kórneki oryndar úshin qalypty jaǵdaı bolady.
Taıland týrıstik maýsymdy ashty. Bul eldiń úsh araly COVID-19 vaktsınasy bar týrısterdi kútedi.
Sıam shyǵanaǵyndaǵy Samýı, Fhangan jáne Taý araldary koronavırýstyq ınfektsııaǵa qarsy vaktsınatsııalanǵan týrısterdi qabyldaı bastady.
Sonymen qatar, Samýı kýrorttarynda demalý úshin týrıster alǵashqy úsh kúnde qonaq úıden shyqpaýy, jeti kún ishinde aralda qalýy tıis.
Osy belgilengen shekteý ýaqyty ótken soń ǵana el qonaqtary Pangan nemese Taý araldaryna bara alady.
Biraq, ol úshin týrıster COVID-19-ǵa PTR-test tapsyrýy kerek.
