Vaktsına alǵannan keıin koronavırýs juqtyrǵandar tirkeldi me - mınıstrdiń jaýaby

NUR-SULTAN. QazAqparat - Vaktsınanyń keri áseri sırek kezdesedi. Bul týraly QR Densaýlyq saqtaý mınıstri Alekseı Tsoı «Habar» arnasyna bergen suhbatynda aıtty, dep habarlaıdy QazAqparat tilshisi.

«Vaktsınanyń teris áseri óte sırek bolady. Vaktsına egilgenderdiń 1%-ynda ǵana teris reaktsııa bolǵanyn anyqtadyq. Muny keri áser dep te aıtýǵa kelmeıdi, sebebi ol vaktsına egilgen jerdiń isip ketýi sııaqty sıpatta bolady jáne 1-2 kúnde qalypqa keledi», - deıdi QR Densaýlyq saqtaý mınıstri Alekseı Tsoı.

Onyń aıtýynsha, vaktsına alǵan adam 45 kún ishinde naýqaspen baılanysta bolsa ekinshi ret vaktsına alǵanǵa deıin qaıtadan aýyryp qalýy múmkin.

«Immýnıtet vaktsına alǵan kúnnen 45 kún ótken soń qalyptasady. Sol úshin osy kúnder aralyǵynda saqtanyp júrý kerek. Vaktsına alǵannan keıin 2-3 kún ótkende naýqaspen baılanysta bolyp, aýyryp qalǵan 3-4 jaǵdaı kezdesti. Al vaktsınany eki ret alǵannan keıin ondaı jaǵdaıǵa tap bolǵandar bolǵan joq», - deıdi ol.