Vaktsına alǵannan keıin eshqandaı keri reaktsııa bolmady - 68 jastaǵy qarııa
QARAǴANDY. QazAqparat – Qaraǵandy oblysynyń Osakarov aýdanynda «Spýtnık V» vaktsınasymen koronavırýstyq ınfektsııaǵa qarsy ekpe júrgizilýde. 16 sáýirdegi málimet boıynsha aýdannyń egý pýnktterinde 845 turǵyn vaktsınatsııalandy.
Egý pýnktteri emhanalarda, feldsherlik-akýsherlik pýnktterde jáne aýyldyq dárigerlik ambýlatorııalarda jumys isteıdi. Vaktsına alǵysy keletinderdiń arasynda jastar da, qart adamdar da bar.
«Alǵashqy ekpelerdiń biri medıtsına qyzmetkerlerine jasaldy. Covid-19-ǵa qarsy vaktsınatsııadan ótken adamdarda jaǵymsyz reaktsııalar baıqalmaıdy, olardyń ál-aýqaty jaqsy», - dep atap ótti aýdandyq aýrýhananyń bas dárigeri Olga Travneva.
Vaktsına alǵandardyń arasynda zeınetker Vıktor Grebenıýk te bar. Ol 68 jasta.
«Ekpe alý sheshimin men burynnan qabyldap qoıǵanmyn. Jalpy, men jappaı vaktsınalaýdyń bastalýyn kúttim. Naýqan bastalǵan bette birinshi kúni jazyldym. Vaktsına alǵannan keıin men eshqandaı keri reaktsııa baıqalmady, ózimdi jaqsy sezinemin. Koronavırýsqa qarsy ekpe alýǵa sanaly túrde keldim. Meniń oıymsha, barlyq jurt vaktsınatsııalanýy kerek, óıtkeni ınfektsııa óte aýyr. Osylaısha biz ujymdyq ımmýnıtetti qalyptastyramyz, sonyń arqasynda biz jańa indetterden jáne jaǵdaılardyń kóbeıýinen aýlaq bolamyz», - deıdi Vıktor Grebenıýk.
