Vaktsına alǵandardyń 0,05 paıyzy ǵana koronavırýs juqtyrǵan
NUR-SULTAN. QazAqparat – Sanıtarlyq-epıdemıologııalyq baqylaý komıtetiniń tóraǵasy Aıjan Esmaǵambetova vaktsına alǵannan keıin kronavırýs juqtyrǵandardyń statıstıkasyn atady, dep habarlaıdy QazAqparat.
«Búgingi tańda elimiz boıynsha vaktsına alǵannan keıin 2 212 koronavırýs juqtyrý jaǵdaıy tirkeldi. Sonyń ishinde birinshi komponetten keıin 1 308 jaǵdaı, ekinshi komponentten keıin 904 jaǵdaı anyqtaldy», - dedi komıtet tóraǵasy.
Sondaı-aq, ol atalǵan statıstıkany vaktsınalardyń túrine bólip aıtyp berdi.
«Vaktsınalarǵa jiktep aıtsaq, «Spýtnık V» boıynsha 2 024 jaǵdaı anyqtaldy. Birinshi komponent – 1 190, ekinshi komponent – 834. QazVac boıynsha 40 jaǵdaı tirkeldi. Sáıkesinshe, 21 jáne 19. Hayat-Vax boıynsha 140 (89/51) jáne CoronaVac boıynsha 6 adam birinshi dozadan keıin koronavırýs juqtyrǵan. Osynyń bárin qossańyz 2 212 jaǵdaı shyǵady. Biraq bul málimetti absolıýtti sandar kóleminde qoldaný durys emes dep oılaımyn. Búginde bizde 4 mıllıonǵa jýyq adam ekpe alǵan. Sonyń 0,05 paıyzy vaktsına alǵannan keıin aýyrǵan degen sóz», - dedi Aıjan Esmaǵambetova.
