Vaktsına alǵandar arasynda utys oıyny oınatylýda - Almaty
ALMATY. QazAqparat - Almatyda vaktsına alǵandar arasynda utys oıyny oınatylyp jatyr, dep habarlaıdy QazAqparat tilshisi.
2021 jyly 21 mamyrda Covid-19 vaktsınasynyń birinshi komponentin alatyn qala turǵyndary úshin utys oıyny bastaldy.
«Stroı sıtı», «Aqbulaq» saýda ortalyqtary men «Jibek joly» bazarynda koronavıýrske qarsy vaktsınanyń alǵashqy komponentin alǵandar arasynda utys oıny ótip jatyr. Qatysýshylardyń eshqaısysy utyssyz qalmaıdy. Vaktsına alýshylardyń «Spýtnık V» jáne «Hayat Vax» ekpeleriniń birin tańdaý múmkindigi bar»,- dep habarlady ákimdikten.
Aktsııanyń basty maqsaty - pandemııamen kúresý, halyqty ujymdyq ımmýnıtetti qalyptastyrý úshin vaktsına alýǵa yntalandyrý.
Sharany Alataý aýdanynyń ákimdigi men sol aýdandaǵy medıtsınalyq mekemeler uıymdastyrdy.
Aıta keteıik, utys syılyqtary arasynda shańsorǵysh, ydys jınaǵy, qysqa tolqyndy pesh, shash keptirgish jáne basqa da qajetti zattar bar.
Aktsııaǵa búgin keshki saǵat 17.00 deıin bolady.
