Vaktsına alǵandar arasynda kúrdeli reaktsııa bolǵan joq – qaraǵandylyq dáriger
QARAǴANDY. QazAqparat – Jappaı vaktsınalaý, qaýipti vırýstyń mýtatsııasy, «delta» shtamyna qatysty bir top suraqqa Qaraǵandy qalasynyń №3 emhanasy dırektorynyń orynbasary Vıktor Mýzafarov jaýap berdi.
- Vıktor Vladımırovıch, vaktsınatsııa qanshalyqty tıimdi? Ol halyqtyń juqtyrý paıyzyna qalaı áser etedi?
- Vaktsınanyń 2 quramyn alǵan soń 21 kúninen keıin juqtyrý jaǵdaılarynyń sany birneshe ese tómendedi. Qaladaǵy aýrahanalardyń jansaqtaý bólimderinde ondaı adamdar joq. ıAǵnı, eger olar aýyrsa, onda asımptomatıkalyq túrde asqynýsyz ótedi.
- Áleýmettik jelilerde vaktsınatsııanyń zııany, janama áserleri, onyń reprodýktıvti fýnktsııaǵa, organdarǵa teris áser etetini týraly jalǵan aqparattar bar. Bul jóninde ne deısiz?
- Qaýeset kóp, adamdar jaza beredi. biraq faktiler joq. Bizde 14 myń adam vaktsına aldy, olardyń arasynda aýyr reaktsııaǵa alyp kelgen fakt tirkelgen joq.
- Mýtatsııalanǵan vırýs qanshalyqty qaýipti? Mýtatsııa qalaı júredi? Onymen qalaı kúresýge bolady?
- Mýtatsııa qaýipti, bul vaktsınanyń tıimdiligine, ólim jaǵdaıyna ákelýi múmkin. Mýtatsııa – bul vırýstyń kóbeıýindegi genderdegi qatelik, aýrý neǵurlym kóp bolsa, mýtatsııa yqtımaldyǵy soǵurlym joǵary bolady. Kúresýdiń jalǵyz joly – naýqastardyń sanyn kúrt azaıtý, ıaǵnı bárin tez jáne múmkindiginshe jyldam ekpe alý.
- Mýtatsııalanǵan vırýstyń juqpalyq deńgeıi nelikten joǵary?
- Mundaı mýtatsııa, vırýstyń barynsha jyldam taralýyna áser etýde. Delta shtamy ınfektsııany arttyra tústi.
- Dıareıa jáne qusý túrindegi asqynýlar nemen baılanysty? Bastapqyda vırýs tek tynys alý organdaryna áser etti emes pe?
- Vırýs árqashan barlyq júıelerge áser etti, eń aldymen ókpege. Mysaly, ıis sezbeý júıke júıesine zaqym keltirilgenin bildiredi. Delta shtamy ishek epıtelııine kóbirek áser etedi jáne osyndaı belgilerdi týdyrady. Biraq ótken jyly biz aýyr KVI-diń bir belgisi asqazan-ishek joldarynyń buzylýy ekenin bildik.
- Koronavırýs taǵy qandaı organdarǵa áser etýi múmkin?
- Vırýstyń maqsatty jasýshalary barlyq organdarda bolady. Sozylmaly aýrýlary bar adamdar odan kóp zardap shegedi. ıAǵnı, vırýs álsiz jerlerge soqqy beredi. Biraq, eń aldymen, árqashan ókpege zaqym keltiredi.
- Halyqty ınfektsııadan qalaı qorǵaýǵa bolady?
- Vırýstan qorǵanýdyń birden bir joly ol - vaktsınalaý. Jáne onymen halyqty maksımaldy túrde qamtý. Endi dárigerlerge revaktsınatsııa jasaý týraly oılanýymyz kerek. Áıtpese biz kesh qalyp qoıyp, dárigerler arasynda indettiń taralýymen jol berýimiz múmkin. Odan keıin jeke gıgıenany saqtaný tásilderi: maska, antıseptık, áleýmettik qashyqtyq.
- Áńgimeńizge rahmet!
