Vaktsına alǵan stýdentterge jataqhanada turyp oqýǵa múmkindik beriledi

NUR-SULTAN. QazAqparat – QR bas sanıtar dárigeri Erlan Qııasovtyń jańa qaýlysy boıynsha vaktsına alǵan stýdentterge jatqahanada turyp oqýǵa múmkindik beriletin boldy, dep habarlaıdy QazAqparat tilshisi.

Qaýlyda bilim oshaqtarynyń bárinde tamaqtaný protsesi ashanadaǵy aýa retsırkýlıatorlarynyń qondyrǵylaryn qamtamasyz ete otyryp uıymdastyrylýy kerektigi aıtylǵan.

Al vaktsına alǵan stýdentterge jataqhanada turyp bilim alýǵa múmkindik berilmek. Biraq jasy 18-ge tolmaǵan stýdentterge bul talaptyń qatysy joq.

«Bógde adamdardyń kirýine tyıym sala otyryp, COVID-19-ǵa qarsy vaktsınatsııa alǵan stýdentter jataqhanaǵa ornalastyrylsyn. 18 jasqa tolmaǵan, sondaı-aq turaqty medıtsınalyq qarsy kórsetilimderi bar jáne sońǵy 3 aı ishinde COVID-19 aýyryp saýyqqan stýdentterdi jataqhanaǵa ornalastyrýǵa jol beriledi», - delingen jańa qaýlyda.

Atalmysh qujatta mektepterdiń bárinde jańa oqý jyly shtattyq rejımde bastalatyny da aıtylǵan.

«2021-2022 oqý jylynda barlyq menshik nysanyndaǵy jáne vedomstvolyq baǵynystaǵy bilim berý uıymdarynda shtattyq formatta oqýǵa ruqsat etilsin», - dep jazylǵan qaýlyda.