Vaktsına alǵan qaraǵandylyqtarǵa kásipkerler jeńildik kórsetýde
ABAI. QazAqparat – Qaraǵandy oblysynyń Abaı aýdanynda vaktsına alǵan azamattarǵa kásipkerler jeńildik kórsetýde, dep habarlaıdy QazAqparat.
Búgingi kúni aýdan boıynsha 11 mynnan astam adam vaktsına qabyldaǵan.
«Koronavırý ınfektsııasyna qarsy vaktsınatsııa bizdiń elimiz úshin de, búkil álem úshin de densaýlyq saqtaýdyń ózekti máselesi bolyp tabylady. Bizdiń mindetimiz - turǵyndarǵa vaktsınanyń mańyzyn túsindirý, álemdi jaılaǵan indetke qarsy úles qosý, qalypty jaǵdaımyzǵa tezirek oralý, jelilerdi jaýlap alǵan feık-aqparattardy joqqa shyǵarý. Sondaı-aq halyqqa vaktsınatsııa týraly sheshim qabyldaýǵa kómektesý, olardy arnaıy is sharalar arqyly yntalandyrý», - dedi Abaı aýdanynyń ishki saıasat, mádenıet jáne tilderdi damytý bólimi memlekettik mekemesiniń sektor meńgerýshisi Elmıra Esembaıqyzy.
Aýdanda vaktsınalaýdy nasıhattaý maqsatynda kásipkerlerdiń qoldaýymen túrli sharalar kózdelgen. Sonyń ishinde 5-ten 50 paıyzǵa deıingi jeńildikter, kópbalaly otbasylarǵa azyq-túlik jıyntyǵyn úlestirý bar. Málim etilgendeı, aktsııaǵa qosylatyn kásipkerlik nysandar sany artyp keledi.
«Vaktsına qabyldaǵan kópbalaly otbasylarǵa, áleýmettik jaǵynan az qamtylǵan otbasylarǵa azyq-túlik jıyntyǵyn tabystaý josparlanyp otyr. Aldaǵy ýaqytta ekpe alǵandar úshin naýqandar, utys oıyndary, syılyqtar, jeńildik sertıfıkattary, qarjylyq qoldaýlar qarastyrylady», - dedi Elmıra Esembaıqyzy.
