Vaktsına alǵan elorda stýdentteri arasynda 1,5 mln teńge oınatylady
«Astana jastary» jastar resýrstyq ortalyǵy qalalyq jastar saıasaty máseleleri basqarmasynyń qoldaýymen Halyqaralyq jastar kúni qarsańynda «Stop COVID-19» úzdik beıne-challenge baıqaýyn uıymdastyrady.
Baıqaý stýdent jastar arasynda vaktsınalaý arqyly COVID-19 taralýyna qarsy kúres, sondaı-aq stýdentter arasynda shyǵarmashylyq klasterdi qoldaý maqsatynda ótkizilýde. Saıys jeńimpazy elordalyq máslıhat depýtaty Azamat Manasulynyń basshylyǵymen jumys isteıtin «Іdiris Orynbasar atyndaǵy qaıyrymdylyq qorynan» 1 mıllıon teńge alady. 2-orynǵa – 300 myń teńge, 3-orynǵa – 200 myń teńge. Sondaı-aq, baıqaýǵa qatysýshylar úshin «Arena fitness», «Winox» fıtnes-zaldarynyń tanymal jelilerinen jáne «Hlebnyı kraı» kompanııasynan yntalandyrý syılyqtary qarastyrylǵan.
Baıqaý osy jyldyń 5 tamyzy men 5 qazany aralyǵynda ótedi. Oǵan elordanyń orta arnaýly (kolledjder) jáne joǵary oqý oryndarynyń kámeletke tolǵan stýdentteri qatysa alady.
«Baıqaý erejesiniń sharttarymen kelesi Instagram-paraqshalarda tanysýǵa bolady: @astana_jastary jáne @ns_jastary nemese WhatsApp +77471909693 nómiri boıynsha habarlasýǵa bolady», - dep habarlady Nur-Sultan qalasynyń Jastar saıasaty máseleleri basqarmasynyń basshysy Qaırat Qambarov.
