Vaktsına alǵan aqtóbelik dáriger: Jaǵdaıym jaqsy, aýyrsyný belgisi bolmady
AQTÓBE. QazAqparat – Aqtóbe qalalyq №6 emhananyń bólim meńgerýshisi Lázzat Júsipbekova alǵashqylardyń biri bolyp ekpe qabyldady. Dáriger turǵyndarǵa vaktsınatsııalaýdyń mańyzyn túsindirdi, dep habarlaıdy QazAqparat tilshisi.
Aqtóbe oblysy boıynsha 1 myń doza jetkizilip, qazir aq halattylar vaktsına qabyldap jatyr. Olar: ınfektsııalyq aýrýhana qyzmetkerleri, jedel járdem qyzmetkerleri men emhana mamandary. Bári de naýqastarmen tyǵyz qarym-qatynasta jumys isteıdi.
«№6 Aqtóbe qalalyq emhanasynda medıtsına qyzmetkerleri koronavırýs ınfektsııasyna qarsy ekpe alyp jatyr. Kún saıyn turǵyndardy qabyldap, olarǵa em júrgizetin mamandar birinshi bolyp vaktsınatsııalandy. Qazirgi kezde indetti jeńetin, oǵan qarsy turar joldyń biri – ekpe. Adam aǵzasynda antıdene paıda bolyp, bizdi qorǵaýǵa septigin tıgizedi. Eń tıimdi joly osy. Vaktsına qabyldaǵan adam sany kóp bolsa, biz soǵurlym óz-ózimizdi qorǵaý kórsetkishin jaqsartamyz», - dedi №6 emhananyń bólim meńgerýshisi Lázzat Júsipbekova.
Dáriger ózge áriptesteri sekildi vaktsına qabyldady. Qazir ózin jaqsy sezinedi.
«Men de ekpe qabyldadym. Jaǵdaıym jaqsy. Ine salǵan jeri azdap aýyrdy, bir kún ǵana. Keıin bári umytyldy. Negizinde dene qyzýy kóterilip, bas aýrýy múmkin dep eskertti. Biraq ózimde aýyrsyný belgisi bolmady», - dedi ol.
