Vaktsına alǵan adamdarda mıokardıttiń damý qaýpi 200 esege artady - feık
NUR-SULTAN. QazAqparat – Telegram chattarynda AQSh-tyń Aýrýlardy baqylaý jáne aldyn alý ortalyǵy (CDC) SOVID-19-ǵa qarsy vaktsınatsııa mıokardıt pen perıkardıt qaýpin 200 esege arttyrady degen qorytyndyǵa keldi degen habarlama taratylýda. Onyń avtorynyń aıtýynsha, qorytyndy vedomstvonyń resmı saıtynda esepte jarııalanǵan. Shyn máninde, qujatta mundaı eshteńe aıtylmaǵan. Bul týraly QazAqparat stopfake.kz saıtyna silteme jasap habarlaıdy.
AQSh-taǵy resmı málimetterge sáıkes, 177 mıllıonnan astam adam COVID-19 qarsy vaktsınanyń kem degende bir dozasyn aldy. Osy jyldyń 21 sáýirindegi jaǵdaı boıynsha vaktsınalardyń boljamdy janama áserleri týraly óz betinshe habarlaýǵa múmkindik beretin VAERS júıesine mıokardıtke nemese perıkardıtke baılanysty 616 ótinish kelip túsken. Olardyń 393-i tekserý qorytyndysy boıynsha shynaıy jáne qandaı da bir túrde vaktsına alýmen baılanysty bolyp shyqty. Bul kórsetkishter vaktsınatsııalanǵan adamdar arasynda mıokardıt pen perıkardıttiń damýy sırek kezdesetin qubylys ekenin jáne ekpe saldyrǵandardyń shamamen 0,2% –ynda damıtynyn kórsetedi.
Alaıda mamandar mıokardıt pen perıkardıttiń damý jaǵdaılaryn zertteýde. Atap aıtqanda, qazaqstandyqtar Telegram-da talqylap jatqan qujat osy problemaǵa arnalǵan jáne AQSh-tyń ımmýndaý praktıkasy jónindegi Konsýltatıvtik komıtetiniń mamandarymen ázirlengen.
Qujatta keltirilgen kesteler men statıstıkalyq málimetter vaktsınatsııalanǵan jáne vaktsınatsııalanbaǵan adamdar arasynda mıokardıt pen perıkardıttiń damý jaǵdaılary salystyrylmaıdy. Vaktsınatsııa kezinde mıokardıttiń damý qaýpi 200% ósetini týraly derekter esepte joq.
Kesteler men grafıkterde VAERS júıesiniń derekteri paıdalanylǵan, al esep avtorlary vaktsınatsııa men aýrýdyń arasynda sebep-saldarlyq baılanys bolmaýy múmkin ekenin aıtady.
Grafıkterde vaktsınanyń birinshi jáne ekinshi dozasyn alǵannan keıingi ótinishter sanyn, erler men áıelderde jaǵymsyz reaktsııalardyń damý jıiligin jáne vaktsınatsııalanǵan adamdar arasynda mıokardıttiń paıda bolý tabıǵaty men sebepteri týraly qorytyndy jasaýǵa múmkindik beretin basqa derekter usynylǵan.
Qorytyndyda alynǵan nátıjeler klınıkalyq zertteýlerdiń málimetterine sáıkes keledi delingen. Mıokardıt jas erler men jasóspirimderde vaktsınanyń ekinshi dozasyn alǵannan keıin jıi damıdy, sımptomdar vaktsınatsııadan keıingi alǵashqy tórt kúnde paıda bolady.
Sondaı-aq, esepte mıokardıttiń damýy týraly habarlaǵan adamdardyń basym bóligi aıyǵyp shyqqany aıtylǵan. Keıbireýleri dárigerlerdiń baqylaýynda. Ólim-jitim tirkelmegen.
Mıokardıttiń damýy sırek kezdesetindikten, CDC áli de 12 jastan asqan barlyq adamdarǵa COVID-19 qarsy vaktsına alýǵa keńes beredi.
Qorytyndylaı kele, taratylyp jatqan esep vaktsınatsııalanǵan adamdarda mıokardıt pen perıkardıttiń damý qaýpi vaktsınany almaǵandarǵa qaraǵanda 200 ese joǵary ekenin dáleldemeıdi. Qujatta mundaı statıstıka joq.
