Vaktsına alǵan adam koronavırýs juqtyrǵanda da ony jeńil ótkeredi - ımmýnolog
«Immýndaý jumysyna ár adam úlken jaýapkershilikpen qaraýy tıis. Vaktsına saldyrý arqyly biz ózimizdi, jaqynymyzdy qorǵaımyz. Adamdar arasynda pikir kóp. Bir anyǵy buǵan deıin adamzat juqpaly dertti ekpe qabyldaý arqyly toqtatyp, jeńe bildi. Demek koronavırýs ınfektsııasymen kúreste bul da tıimdi jol bolmaq. Men sáýir aıynda birinshi, mamyr aıynda ekinshi dozasyn saldyrdym. Alǵashqyda dene qyzýym kóterilip, álsizdik boldy. Ekinshi dozany qabyldaǵanda keri áserin esh sezbedim»,- dedi №3 qalalyq emhananyń ımmýnologi Raıa Tólegenova.
Dáriger týǵan-týystary, jaqyndary arasynda da vaktsınanyń tıimdiligin, adam ómirindegi mán-mańyzyn túsindiredi. Túrli ujymǵa baryp ta kezdesý ótkizdi.
«Vaktsına alǵan adam koronavırýs ınfektsııasyn juqtyrǵanda da ony jeńil ótkeredi. Túrli asqyný bolmaıdy. Byltyr jaz aılarynda kúsheıip, qıyn jaǵdaıǵa tap boldyq. Sol kezde vaktsına bolsa dep ótinishin aıtty. Kóbi ókindi. Al qazir dál sol sát týdy. Vaktsına bar, saldyryp, qorǵaný kerek. ıAǵnı, byltyr vaktsınany kúttik, bıyl qorǵanýdyń tıimdi joly usynyldy. Adamdar sanaly túrde qabyldap ta jatyr. Ekiudaı oıda júrgender mamandarmen kezdesip, keıin saldyrdy. Biraq keıbiri qarsy ekenin aıtady. Olarǵa áli de túsindirý jumysy júrgiziledi. Kúıeýim qant dıabetine shaldyqqan, júregi de aýyrady. Ol dárigerimen kezdesip, vaktsına saldyrdy. Esh asqyný bolmady. Mundaı mysal óte kóp»,- dedi Raıa Tólegenova.