Vaktsına alar aldynda qandaı rásimder jasalýy kerek

NUR-SULTAN. QazAqparat – QR DSM Qoǵamdyq densaýlyq saqtaý ulttyq ortalyǵy dırektory Damır Kóbjasarov vaktsına alar aldyndaǵy rásimderdi túsindirdi, dep habarlaıdy QazAqparat tilshisi.

«Vaktsınalaý kezinde ekpege kelisetini nemese bas tartatyny týraly qolhat alynady. Ekpe qoıar aldynda dáriger balanyń ata-anasyna tıisti málimetterdi berýi kerek. ıAǵnı vaktsınanyń sıpaty, qandaı ınfektsııaǵa qarsy qoıylyp jatqany jaıynda, odan qandaı reaktsııa bolatyndyǵy týraly, sondaı-aq vaktsınanyń quramy jaıynda túsinik beredi», - dedi ol onlaın brıfıngte.

Onyń sózine qaraǵanda, bul sharalar balanyń ata-anasy vaktsına týraly habardar bolýy úshin jasalady.

«Osydan keıin balanyń ata-anasy ekpege kelisetini nemese odan bas tartatyny týraly sheshim qabyldaıdy», - dedi spıker.

Sonymen qatar ol ekpeden bas tartý keıinnen qandaı saldarǵa alyp kelýi múmkin ekenin aıtty.

«Vaktsınadan bas tarta otyryp, ata-ana ózine tıisti jaýapkershilikti alady, ıaǵnı bul jaǵdaı qandaı da bir maǵynada balanyń bolashaǵyna áser etýi múmkin. Sebebi ózge elderde stýdentti oqýǵa qabyldaý kezinde naqty vaktsınalarǵa tıisti sertıfıkattyń bolýyn suraıdy. Sonymen birge, ata-ana balanyń densaýlyǵy úshin ózine jaýapkershilik alady», - dedi D. Kóbjasarov.