«Vagonservıs» AQ basshysy 2 aıǵa qamaýǵa alyndy
ALMATY. QazAqparat – Almaty qalasy boıynsha Sybaılas jemqorlyqqa qarsy qyzmeti qalalyq kólik prokýratýrasynyń úılestirýimen «Vagonservıs» AQ Almaty fılıalynyń basshysyn ustady, dep habarlaıdy QazAqparat tilshisi.
Tergeý barysynda anyqtalǵandaı, «Vagonservıs» AQ basshysy jabdyqtaý bóliminiń bastyǵymen aldyn ala sóz baılasqan. Olar «Vagonservıs» AQ-ǵa («Samuryq-Qazyna» AQ-nyń qatysý úlesi – 100%) tıesili esepten shyǵarylǵan vagondardy jetkizip berý jeleýimen kásipkerlerden qomaqty qarajat alyp kelgen.
«Kásipkerlerge keltirilgen zalaldyń jalpy somasy búginde 200 mln teńgeden asty. Sot «Vagonservıs» AQ fılıalynyń basshysyna qatysty 2 aıǵa «kúzetpen ustaý» túrindegi bultartpaý sharasyn sanktsııalady. Ózge aqparat tergeý múddesine oraı jarııa etýge jatpaıdy», - delingen vedomstvo habarlamasynda.
