Vagonnan syrtqa qoqys laqtyrǵan 4 birdeı jolserik jazalandy
NUR-SULTAN. QazAqparat - Qoǵamdyq oryndy lastaǵan 4 birdeı jolserik ákimshilik jaýapkershilikke tartyldy, dep habarlaıdy QazAqparat kóliktegi polıtsııa departamentine silteme jasap.
Dostyq stantsııasynyń kólik polıtseıleri «Taza Qazaqstan» jedel profılaktıkalyq is-sharasy aıasynda «Dostyq-Nur-Sultan» baǵytyndaǵy jolaýshylar poıyzynyń 4 birdeı jolserikterin ÁQBtK 434-baby 2-bóligi ıaǵnı, ortaq paıdalanylatyn oryndardy lastaý faktisimen ákimshilik jaýapqa tartty.
Kólik polıtseıleri tekserý barysynda jolserikterdiń Nur-Sultan qalasynyń 1968, 1971, 1976, 1990 jylǵy turǵyndary ekeni anyqtaldy.
«Quqyqbuzýshy jolserikter vagonnan shyqqan komýnaldyq qaldyqtardy Dostyq stantsııasyndaǵy temir jol vokzalynyń mańaıyna tastap, qoǵamdyq oryndy lastaǵan. Jolserikterge 5 AEK mólsherinde ákimshilik aıyppul salyndy» dep málim etti kólik polıtseıleri.
Eske sala keteıik, 23 shilde men 30 tamyz aralyǵynda Kóliktegi polıtsııa departamenti men onyń jelilik bólinisteriniń qyzmet kórsetý aýmaǵynda «Taza Qazaqstan» ekologııalyq aktsııasy ótip jatyr.
Aktsııanyń maqsaty – azamattardy qoǵamdyq ortany taza saqtaýǵa shaqyra otyryp, ekologııalyq zańbuzýshylyqtardy anyqtaý jáne onyń aldyn alý.
