Vagonda turatyn otbasy baspanaly boldy - Qyzylorda

QYZYLORDA. QazAqparat - Qyzylordada buǵan deıin vagon panalap kelgen kóp balaly ana Gúlnar Qalıbaevaǵa baspana kilti tabys etildi, dep habarlaıdy QazAqparat tilshisi.

Gúlnar birneshe jyl buryn otaǵasynan aırylǵan. Tórt balamen jalǵyz qalǵan otbasynyń turaqty baspanasy joq bolatyn. Asyraýshysynan aırylǵan otbasyǵa páter jaldaýǵa týra kelgen. Sońǵy kezde sharasyzdyqtan vagondy panalaǵan. Bul otbasy týraly jergilikti jýrnalıster men qaıyrymdy jandar áleýmettik jeli betterinde másele kótergen edi.

«Osy jaǵdaıdan keıin oblys ákimi Gúlshara Ábdiqalyqovanyń tapsyrmasymen bul otbasy áleýmettik qoldaý ortalyǵyna ýaqytsha ornalastyryldy. Keshe turaqty da jaıly baspananyń kiltine ıe boldy», - dedi ákimdiktiń baspasóz qyzmeti.