Vagon-restorandardan aqsha jınaǵan sanıtar sottaldy
ASTANA. QazAqparat - Atyraý qalasynyń №2 soty qoǵamdyq densaýlyq saqtaý departamenti Atyraý kóliktik basqarmasynyń jetekshisine qatysty úkim shyǵardy. Atalǵan qurylym QR Densaýyq saqtaý mınıstrligine qaraıdy, dep xabarlaıdy QazAqparat tilshisi.
Sot materıaldaryna sáıkes, 2017 jyly mamyr-qyrkúıek aralyǵynda Sh.I. vagon-restoran dırektorlary men jolaýshylar poezdarynyń brıgadırlarynan ákimshilik jaýapkershilikke tartpaý úshin aqsha talap etken. Osy jolmen ol deldal arqyly 339 000 teńge alǵan.
«Sot úkimine sáıkes, Sh.I. Qazaqstan Respýblıkasy Qylmystyq kodeksiniń 366-baby, 3-tarmaǵy boıynsha kináli dep tanylyp, para mólsherinen 70 esege artyq, ıaǵnı 23 730 000 teńge kóleminde aıyppul tóleýge mindetteldi. Budan bólek, oǵan ómir boıy memlekettik qyzmetke turýǵa tyıym salyndy. Sot úkimi kúshine engen joq», - delingen Atyraý sotynyń resmı xabarlamasynda.
