Vagon-meıramhanalarda tegin tamaq ishken sheneýnikter jaýapqa tartyldy
ASTANA. QazAqparat - Atyraý qalasynda vagon-meıramhanalardan aqsha jınaǵan paraqor sheneýnikterge qatysty sot úkimi shyǵaryldy, dep habarlaıdy QazAqparat tilshisi.
Sot materıaldaryna sáıkes, QR Densaýlyq saqtaý mınıstrliginiń qoǵamdyq densaýlyqty qorǵaý departamenti Atyraý jelilik basqarmasynyń úsh qyzmetkeri bes aı boıy para alyp kelgen. Olar 2017 jyly mamyr men qyrkúıek aılary aralyǵynda jolaýshylar poıyzdarynyń brıgadırlerinen, sondaı-aq vagon-meıramhanalardyń dırektorlarynan aqsha jınap, basqarma basshysyna berip otyrǵan.
«Atyraý qalalyq №2 sotynyń sheshimine sáıkes, paraǵa deldaldyq jasaǵandar Qylmystyq kodekstiń 368-baby, 2-tarmaǵy boıynsha kináli dep tanylyp, árbireýi paranyń 20 esege artyq kóleminde aıyppul tóleýge mindetteldi. Budan bólek, olarǵa ómir baqı memlekettik qyzmette jumys isteýge tyıym salyndy», - delingen sot habarlamasynda.
