Vagner Lav «Qaıratta» aldaǵy jyly da oınaıdy
NUR-SULTAN. QazAqparat - Almatylyq «Qaırat» brazılııalyq fýtbolshy Vagner Lavpen kelisim-shart merzimin taǵy bir jylǵa uzartty, dep habarlaıdy QazAqparat tilshisi. Bul jóninde komandanyń baspasóz qyzmeti málim etti
Vagner Lav 1984 jyldyń 11 maýsymynda dúnıege kelgen. Kásipqoı fýtboldaǵy alǵashqy qadamyn 2002 jyly Brazılııanyń «Palmeıras» komandasynda bastaǵan. Odan keıingi jyldarda Reseıdiń TsSKA, Brazılııanyń «Flamengo», Qytaıdyń «Shandýn Lýnen», Frantsııanyń «Monako», Túrkııanyń «Alanıaspor» jáne «Beshıktash» komandalarynda oınaǵan. Brazılııa quramasy sapynda 20 match ótkizip, tórt gol soqty.
Bıylǵy jyldyń maýsym aıynda «Qaırat» komandasymen jyl-sońyna deıin kelisimshartqa qol qoıǵan bolatyn.
Esterińizge sala ketelik, bıyl «Qaırat» birneshe týr buryn óz tarıhynda úshinshi márte chempıon atandy. Aldaǵy jyly komanda UEFA Chempıondar lıgasynda synǵa túsedi.
