«Vagner» qatarynda bolǵan qazaqstandyqqa qatysty aqparat tekserilýde – SІM

ASTANA. QazAqparat – Syrtqy ister mınıstrliginiń resmı ókili Aıbek Smadııarov «Vagner» jeke áskerı kompanııasyna kirgeni úshin sottalǵan Qazaqstan azamaty týraly aqparat tekserilip jatqanyn aıtty, dep habarlaıdy QazAqparat tilshisi.

«Ýkraına bıligi de, Reseı bıligi de rastaǵan joq. Bul qandaı da bir basylymda shyqqan aqparat qana. Aqparat áli tekserilip jatyr: jalpy ol bizdiń azamat pa? Shyn máninde bar adam ba? Mundaı ózekti aqparattarǵa kelgende jiti bolýlaryńyzdy ótemin», - dedi Aıbek Smadııarov vedomstvoda ótken aptalyq brıfıng barysynda BAQ ókilderiniń saýalyna oraı.

Eske sala keteıik, buǵan deıin Reseıde oqıtyn qazaqstandyq stýdent óz erkimen «Vagner» jeke áskerı kompanııasymen kelisimshartqa otyrǵanyn jazǵan edik.

Keıin QR Syrtqy ister mınıstrligi stýdenttiń Qazaqstanda qylmystyq jaýapqa tartylatynyn málimdedi.