Vadım Sharlaımov Tbılısıdegi álem chempıonatynyń 1/64 fınalyna shyqty

ASTANA. KAZINFORM - Semserlesýden Tbılısıde ótip jatqan álem chempıonatynda erler arasyndaǵy sapy jattyǵýynyń jekeleı saıystary bastaldy.

Cportty damytý dırektsııasy málimetinshe, Qazaqstan atynan bul baǵdarlamada Vadım Sharlaımov, Erlik Sertaı, Elmır Alımjanov jáne Rýslan Kýrbanov baq synady.

Álemdik reıtıngtegi joǵary kórsetkishiniń arqasynda arqasynda Rýslan Kýrbanov kelesi aınalymǵa birden irikteýsiz shyqty. Al qalǵan sportshylarymyz pleı-off-qa shyǵý úshin irikteý básekelerine qatysqanymen, olardyń arasynan tek Vadım Sharlaımov qana ótip, jarysty jalǵastyratyn boldy.

Aıta keteıik, erler arasyndaǵy komandalyq sapy jarystary 29 shildede bastalady. Bul básekede Elmır Alımjanovtyń ornyna Kırıll Prohodov óner kórsetedi.

Aıta keteıik, Qazaqstan sportshylary Reseı jáne Belarýstegi halyqaralyq týrnırde joǵary nátıje kórsetti.