Vadım Sharlaımov álem kýbogynyń kezeńinde qola júldeger atandy
ASTANA. KAZINFORM — Qazaqstan quramasynyń ókili Vadım Sharlaımov Shveıtsarııanyń Bern qalasynda ótip jatqan semserlesýden álem kýbogy kezeńinde qola medalǵa ıe boldy.
Otandasymyz shpagadan erler arasynda ótken jekeleı synda úzdik úshtikten kórindi.
Vadım Sharlaımov jartylaı fınalǵa deıin jetip, kem degende qola júldeni qamtamasyz etti.
QR UOK málimetinshe, fınal joldamasy úshin ótken kezdesýde qazaqstandyq sportshy Vengrııa ókili Gergeı Shıkloshımen kezdesti.
Bul aıqasta vengrııalyq semserlesýshi 15:4 esebimen jeńiske jetti. Osylaısha, Sharlaımov jekeleı syndaǵy jarysty úshinshi orynmen aıaqtady.
Qazaqstandyq semserlesýshi Aıbar Qaıym Senegal astanasy Dakarda ótip jatqan jasóspirimder Olımpıadasynda kúmis medal jeńip alǵanyn jazǵan bolatynbyz.
