Vadım Kýrales «Azııa balalary» sporttyq oıyndarynda jeńimpaz atandy
ASTANA. QazAqparat - Qazaqstandyq jas bıatlonshy Vadım Kýrales Resedegi Ońtústik Sahalınde ótip jatqan «Azııa balalary» І Halyqaralyq qysqy sporttyq oıyndarda altyn júldeger atandy dep habarlaıdy Olympic.kz.
Vadım alty shaqyrymǵa sozylǵan sprınterler saıysynda úzdik shyqty.
Bul synda taǵy bir qazaqstandyq sportshy Danıl Chervenko tuǵyrdyń úshinshi satysynan kórindi. Ekinshi oryndy Sahalın oblysynyń ókili Roman Boıchevskıı ıelengen.
Qazaqstan komandasynyń qorjynynda kúmis júlde de bar. Bıatlonshy Arına Sheshýkova sprıntte ekinshi oryn aldy.
Eske sala keteıik, «Azııa balalary» týrnırine 16 jasqa deıingi sportshylar qatysady.
Jarys 8-17 aqpan aralyǵynda ótedi.
