VADA dopıngimen ustalǵan Almaty oblysynyń balýany Aleksandr Kasachevke «Qazaqstan barysyna» qatysýǵa ruqsat berdi
ASTANA. QazAqparat - Qazaq kúresinen «Qazaqstan Barysy» respýblıkalyq týrnıriniń bıylǵy jylǵy tórt qatysýshysynyń taldamalyq synamalarynan tyıym salynǵan meldonıı sýbstantsııasynyń tabylýyna baılanysty, tórt balýandy jarysqa shyǵýdan shettetken bolatyn.
Alaıda, osydan eki kún buryn jarystardan ýaqytsha shettetilgen tórt balýannyń úsheýine qaıta jarysqa shyǵýǵa ruqsat etildi. Olar - Mereke Turashev (Aqmola oblysy), Samır Mamedov (Pavlodar oblysy) jáne Aıbek Nuǵymarov (Shyǵys Qazaqstan oblysy).
Búgin Búkilálemdik dopıngke qarsy agenttiginiń (VADA) sońǵy sheshimi belgili bolyp, tórtinshi Almaty oblysynyń balýany Aleksandr Kasachevke de jarysqa shyǵýǵa ruqsat etildi. Sonymen bıyl 14 oblys pen Astana jáne Almaty qalalarynan iriktelgen 34 balýan tolyq quramda óner kórsetetin boldy.
Esterińizge sala keteıik «Qazaqstan Barysy» týrnıriniń fınaly 3 shilde kúni Astana qalasynda saǵat 12:00-de «Saryarqa» respýblıkalyq velotreginde ótkiziledi.
1-shi oryn - 25 000 000 teńge,
2-shi oryn - 5 500 000 teńge,
3-shi oryn - 1 800 000 teńge bolady.
Sonymen qosa, bıyl týrnır tarıhynda tuńǵysh ret jeńimpaz aqshalaı syılyqtan basqa Astana qalasynan páter kiltine ıe bolady. Aqshalaı júldeler jeńiske jetken balýandardyń jattyqtyrýshylaryna de beriledi.
