«V» jáne «S» gepatıtimen aýyratyn balalardy vırýsqa qarsy dárilik preparattarmen qamtamasyz etý máselesi sheshildi
ASTANA. Sáýirdiń 30-y. QazAqparat /Ernur Aqanbaı/ - Vırýsty «V» jáne «S» gepatıtimen aýyratyn 18 jasqa deıingi balalar men jasóspirimderdi vırýsqa qarsy dárilik preparattarmen qamtamasyz etý úshin naýqas balalar men jasóspirimderdi ambýlatorlyq deńgeıde alfa 2a nemese 2b ınterferon jáne rıbavırın-sıropy preparatymen qamtamasyz etý máselesi sheshildi.
Bul týraly QazAqparat QR Densaýlyq saqtaý mınıstrliginiń baspasóz qyzmetine silteme jasap habarlaıdy.
«Baspasóz qyzmetiniń málimetinshe, qazirgi tańda vırýsqa qarsy preparattardy oblystardyń dárihanalyq uıymdaryna jetkizý jumystary aıaqtalýǵa jaqyn, vırýsty «V» jáne «S» gepatıtin juqtyrǵan balalarǵa vırýsqa qarsy em júrgizý bastaldy.
«Densaýlyq saqtaý mınıstrligi halyqty aqparatpen qulaǵdar etý maqsatynda tegin dári-dármekpen qamtamasyz etilýine quqyq beretin sertıfıkat (mundaı sertıfıkattar balalardyń ata-analaryna densaýlyq saqtaý basqarmalarynda beriledi) pen dárigerdiń retseptisin usyna otyryp, dárilik preparattardy alýǵa bolatyn dárihanalyq uıymdardyń tizbesin jarııalaıdy. Sondaı-aq dárihanalyq uıymdardyń tizbesin Mınıstrliktiń saıtynan «Farmatsııa» bóliminiń «Dári-dármekpen qamtamasyz etý» bólimshesinen kórýge bolady», delingen búgingi taratylǵan habarlamada.
