V.ıAnýkovıch prezıdenttiń eńbekaqysyn 50%-ǵa qysqartyp, bul qarjyny áleýmettik standarttardy arttyrýǵa jumsaý týraly jarlyqqa qol qoıdy
ASTANA. Naýryzdyń 4-i. QazAqparat - Ýkraına prezıdenti Vıktor ıAnýkovıch búgin «Ýkraınanyń memlekettik bıýdjeti shyǵyndaryn qysqartýdy qamtamasyz etý jónindegi sharalar týraly» jarlyqqa qol qoıdy,
dep habarlady RBK agenttigi.
«RBK-Ýkraına» agenttiginiń habarlaýynsha, qujat memleket basshysynyń resmı saıtynda jarııalanǵan. Jarlyqta Ýkraına prezıdentiniń eńbekaqysyn 50%-ǵa qysqartýdy belgilengen tártippen kezek kúttirmeı sheshý kózdelgen.
Sondaı-aq Ýkraına mınıstrler kabınetine Ýkraınanyń 2010 jylǵa arnalǵan memlekettik bıýdjeti týraly zań jobasyn pysyqtaýda Ýkraına prezıdentiniń qyzmetin qamtamasyz etetin shyǵyndardy qysqartý, Ýkraınanyń 2009 jyly bıýdjetindegi belgilengen shyǵyndardan tıisti maqsattarǵa kózdelgen shyǵyndardy 20 paıyzǵa qysqartý, Ýkraına prezıdenti qurǵan qosymsha qyzmetter men organdardyń, konsýltatıvtik, keńestik organdarynyń qyzmetin qamtamasyz etetin shyǵyndardy azaıtý jáne osyndaı qysqartýlar nátıjelerinde alynǵan shyǵyndardy eske otyryp, Ýkraınanyń «Eń tómengi kúnkóris deńgeıi jáne eń tómengi eńbekaqy belgileý týraly» zańyn oryndaý jóninde tapsyrmalar berildi.
