V Ulttyq quryltaıdyń alǵashqy kúninde 200-den astam usynys aıtyldy

QYZYLORDA. KAZINFORM – Memlekettik keńesshi Erlan Qarın Qyzylordada ótip jatqan V Ulttyq quryltaıdyń alǵashqy kúninde 200-den astam usynys aıtylǵanyn málim etti.

Erlan Qarın keshe bıylǵy quryltaıdyń 4 sektsııasy óz otyrystaryn ótkizgenin atap ótti. Sonyń aıasynda quryltaıdyń 70-ke jýyq múshesi sóz sóılep, 200-den astam usynys aıtylǵan.

Onyń sózinshe, byltyrǵy Býrabaıdaǵy quryltaı óńirlerdi damytýǵa serpin bergen.

- Byltyr aımaqtardyń damýy boıynsha birqatar bastama iske asty. Qazaqstan Respýblıkasynyń Óńirlik damý tujyrymdamasy qabyldandy. Qujattyń basty mindeti – halyqty negizgi ınfraqurylymdarmen teń dárejede qamtamasyz etý. Óńirlerdegi negizgi mádenı-týrıstik is-sharalardyń tizbesi jasaldy. Munyń bári bir jylda atqarylǵan jumystardyń bir bóligi ǵana. Jalpy Býrabaıda aıtylǵan bastamalar men usynystar negizinde júıeli jumystar júrgizildi. Olardy tıimdi iske asyrý úshin quryltaı músheleri sektsııalarda, jumys kezdesýlerinde túrli talqylaý ótkizdi, - dedi Memlekettik keńesshi.

Aıta keteıik, Kazinform Memleket basshysynyń Ulttyq quryltaıdaǵy sózin translıatsııalaıdy.