V.Shkolnık «QazMunaıGaz» beketterinen benzın satyp almaýǵa keńes beredi
Ol mundaı usynysyn búgin «21 ǵasyrdyń ıadrolyq tehnologııalary jáne taratpaý máseleleri» atty halyqaralyq konferentsııa aıasynda BAQ ókilderine bergen suhbaty barysynda jasady.
«Menińshe, qazirgi naryqtyq baǵa. Bizdiń barlyǵymyz munyń bireýlerdi baǵany kótergisi kelgendiginen jasalmaǵandyǵyn túsinemiz. Eń bastysy naryqta benzınniń bolǵany. Esterińizde bolsa, men sizderge aıtqanymdaı, bizder baǵanyń budan da joǵary bolatyndyǵyn kútken edik. Bul rette bizdiń memlekettik organdar jaqsy jumys istep, buǵan deıin arzan baǵaǵa ákelingen benzın qunynyń kóterilýine jol bermedi», - dedi V.Shkolnık.
Onyń atap ótýinshe, bul májbúrli shara. Óıtkeni, elimiz jetispeıtin benzındi syrttan tasymaldap otyr. Al syrttan ákelinetin benzınniń kóterme baǵasy elimizde belgilengen shekti baǵadan birshama qymbat.
«Eger benzın baǵasy kóterilse, onda bizde jetispeıtin janarmaıdyń kelesi partııasy qymbat baǵaǵa satyp ákelindi degen sóz. Sondyqtan naryqta qubylmalyq oryn alýda. Máselen, men demalys kúni janarmaı quıý beketterin aralap shyqtym. Benzın baǵasy lıtrine 122 teńgeden 130 teńgege deıingi aralyqta. Bul oraıda men ne istedi deısizder ǵoı, benzın lıtri 122 teńge turatyn beketten aldym», - dedi mınıstr.
Sonymen qatar BAQ ókilderi benzın baǵasyn eń birinshi bolyp QazMunaıGaz beketteri kótergendigin aıtyp edi V.Shkolnık: «Olardyń qarjylyq jaǵdaılary solaı bolǵan ǵoı. Onda olardan satyp almańdar», - dep jaýap berdi.
