V. Shkolnık: Qazaqstan Iranmen munaı svop-operatsııalaryn jasaýǵa qyzyǵýshylyq tanytyp otyr
Bul týraly búgin Astanadaǵyn «KAZENERGY-2015» onynshy Eýrazııalyq forýmy aıasyndaǵy baspasóz máslıhatynda QR Energetıka mınıstri Vladımır Shkolnık málim etti.
«Iranmen aradaǵy munaı salasyndaǵy svop-operatsııalar biz úshin qyzyǵýshylyq týdyrýda. Atap aıtqanda, osy elge qatysty sanktsııalar sheshilgennen keıin, biz osy jumyspen aınalysatyn bolamyz», - dedi V. Shkolnık.
Esterińizge sala keteıik, 2014 jyldyń qyrkúıeginde Qazaqstanǵa memlekettik saparmen kelgen Iran Islam Respýblıkasynyń Prezıdenti Hasan Rýhanı Qazaqstan men Iran munaı salasyndaǵy svop-operatsııalardy jańǵyrtý múmkindigine ıe ekenin málimdegen bolatyn. Eki el buǵan deıin munaı svop-operatsııalarymen aınalysqanyn eske salǵan Iran Prezıdenti: «Alaıda bul svop-operatsııalar toqtatylǵan. Biz osyny qaıta jańǵyrtý múmkindigin talqyladyq, bul - asa mańyzdy qadam», - dedi.
