V. Shkolnık: Atom elektr stansasyn salý Toshiba kompanııasyna tapsyrylýy múmkin

ASTANA. QazAqparat - QR Energetıka mınıstri Vladımır Shkolnık Qazaqstanda atom elektr stansasyn salýǵa Japonııanyń Toshiba Westinghouse kompanııasy tartylýy múmkin ekenin aıtty.

Onyń sózine qaraǵanda, másele Balqash memlekettik aýdandyq elektr stansasyna qatysty.

V. Shkolnıktiń atap ótkenindeı, úkimette Kanada, AQSh, Qytaı, Frantsııa, Japonııa, Ońtústik Koreıa syndy elderden kelgen barlyq úmitkerlermen talqylaýlar júrgizildi.

«Biz kóptegen jobalardy qarap shyqtyq jáne kóp uzamaı úkimetke olardyń sıpattamalaryn kórsetip, qandaı stansaǵa toqtalýǵa bolatynyn baıandaımyz. Áleýeti joǵary reaktorlardyń biri Toshiba Westinghouse kompanııasynyń AP-1000 qondyrǵysy bolyp otyr. Biz ol kompanııanyń 10 paıyz aktsııasyn ıelenemiz. Stansalardy tańdaý barysynda biz bul nusqany egjeı-tegjeıli qaraıtyn bolamyz», - dedi ol.

Degenmen, bul málimdeme Toshiba kompanııasynyń mindetti túrde tańdalyp alynǵanyn bildirmeıdi. Sebebi, ózge elderdegi kompanııalardyń usynǵan qaýipsiz ári arzan jobalary da jeterlik.