V.Pýtın TMD-da biryńǵaı qarjy naryǵy qurylý qajettigin aıtty
ASTANA. QazAqparat - Reseı Prezıdenti Vladımır Pýtın Memlekettik dýmaǵa TMD elderinde dollardan bas tartý qarastyrylǵan zań jobasyn usyndy. Osylaısha, Reseı, Armenııa, Belarýs, Qazaqstan, Qyrǵyzstan, Tájikstan jáne ózge elderdiń biryńǵaı qarjy naryǵy qurylmaq, dep habarlady Ýtro.rý.
Prezıdent saıtynda jarııalanǵan habarlamaǵa sáıkes, «Táýelsiz memleketter dostastyǵyna qatysýshy elderdiń ıntegratsııalanǵan valıýta naryǵyn uıymdastyrý salasynda yntymaqtastyq týraly kelisim» aıasynda esep aıyrysýda dollar men eýrodan bas tartýǵa múmkindik beretin mehanızm qurylady.
Kelisimniń ratıfıkatsııalanýy men ári qaraı júzege asýy ekonomıkalyq yntymaqtastyqtyń damýyna, sonymen qatar TMD aıasynda ıntegratsııalyq úrdisterdiń tereńdeýine yqpaldasýy tıis.
