V.Pýtın TMD, Abhazııa, Ońtústik Osetııa elderiniń kóshbasshylaryna jáne Grýzııa azamattaryna Uly Otan soǵysyndaǵy Jeńis merekesine oraı quttyqtaý joldady

ASTANA. 8 mamyr. QazAqparat - Reseı Prezıdenti TMD, Abhazııa, Ońtústik Osetııa elderiniń kóshbasshylaryna jáne Grýzııa azamattaryna Uly Otan soǵysyndaǵy Jeńis merekesine oraı quttyqtaý joldady.

Bul týraly RF Prezıdentiniń baspasóz qyzmeti habarlady.

Vladımır Pýtın elder basshylyǵynyń ortaq paryzy - bostandyq pen táýelsizdik jolyndaǵy urystarda qaza tapqan batyrlardy máńgi este saqtaý, qazirgi ortamyzda aman-esen júrgen ardagerlerge qamqorlyq jasaý ekendigin erekshe atap ótti.

Memleket basshysy 1945 jylǵy jeńisti mamyr týraly qasıetti estelik, ortaq tarıhymyzdyń qaharmandyq betteri aldaǵy ýaqytta da bizdiń elderimizdi biriktirip, yntymaqtastyqty odan ári damytýǵa berik negiz retinde qyzmet etedi dep atap kórsetti.

V.Pýtın quttyqtaýynyń sońynda Uly Otan soǵysynyń ardagerlerine shyn júrekten quttyqtaýyn jetkizip, olarǵa uzaq ómir, densaýlyq jáne ıgilik tiledi.