V.Pýtın Sochıda oıynhana aımaǵyn ashýǵa qarsy
ASTANA. QazAqparat - RF Prezıdenti Vladımır Pýtın Sochıde oıynhana aımaǵyn ashýǵa qarsylyq bildirýde. Bul týraly ol qysqy Olımpıadalyq oıyndarǵa ázirlik jónindegi qoǵamdyq keńes ókilderimen kezdesýde aıtty, dep habarlady «Rossııa 24».
«Biz oıynhana aımaǵy Rostov oblysy men Krasnodar ólkesiniń shekarasynda bar, dep ýaǵdalastyq, budan ári tipti Qara teńiz jaǵalaýyna shyǵýǵa da ruqsat berýge deıin bardyq. Bul ınvestorlar qarjysyn qaıtarý máselesin jeńildetetinine qaramastan, osy óńirde taǵy bir aımaq ashý, meniń oıymsha, jónsiz», - dedi V.Pýtın.
