V. Pýtın Sırııadaǵy soǵystyń negizgi sebebin ashyp berdi

ASTANA. 7 qyrkúıek. QazAqparat - G20 sammıti boıynsha arnaıy baspasóz máslıhatyn ótkizgen Reseı Federatsııasynyń prezıdenti Vladımır Pýtın Sırııadaǵy soǵystyń negizgi sebebin ashyp berdi.

Onyń aıtýynsha, Taıaý Shyǵysta bolatyn barlyq jaǵdaılar álemdik ekonomıkaǵa qatty áser etedi. «Sebebi ol aımaq álemniń basym bóligin energııa resýrstarymen qamtamasyz etip otyr. Biz bilemiz, sol jerde qandaı da bir shıelenister bolyp qalǵanda, munaıdyń baǵasy birden sharyqtap ketedi. Sonyń saldarynan álemdik ekonomıkanyń damý qarqyny tejele bastaıdy», - deıdi V.Pýtın. Osyǵan baılanysty G20 sammıtine qatysýshy memleket basshylary Sırııa máselesin jan-jaqty talqylap, bir sheshimge kelýge tyrysty. Alaıda olar Sırııaǵa halyqaralyq ınterventsııany engizý máselesi boıynsha eki «lagerge» bólindi.