V.Pýtın prezıdenttikke úmitker retinde OSK-ge qujattaryn tapsyrdy
ASTANA. 7 jeltoqsan. QazAqparat. RF Premer-mınıstri, «Birtutas Reseı» partııasynyń tóraǵasy Vladımır Pýtın Ortalyq saılaý komıtetine Reseı prezıdenttigine úmitker retinde tirkelý úshin qujattar tapsyrdy. Osy úshin ol OSK-ge ózi keldi.
Esterińizge sala keteıik, V.Pýtın aldaǵy ýaqytta Reseıde ótetin memleket basshysynyń saılaýyna RF prezıdentine úmitker retinde 2011 jyldyń 27 qarashasynda «Birtutas Reseıdiń» XII sezi barysynda usynyldy. V.Pýtındi partııa atynan RF Prezıdentiniń qyzmetine usyný boıynsha qupııa daýys berý kezinde sezd delegattary biraýyzdan daýys berdi.
Bunyń aldynda RF Prezıdenti qyzmetine daýysqa túsý nıetin taǵy bes úmitker bildirgen bolatyn. Olardyń barlyǵy ózderin-ózderi usyndy. Arasynda eń tanymaldary - Vladıvostok qalasynyń burynǵy meri Vıktor Cherepkov pen «Ózge Reseı» birlestiginiń kóshbasshysy Edýard Lımonov.
RF Prezıdentin saılaý 2012 jyldyń 4 naýryzynda ótedi.
