V. Pýtın men B.Obama telefon arqyly E. Snoýdenge baılanysty jaǵdaıdy talqylady
ASTANA. 13 shilde. QazAqparat - Reseı jáne AQSh prezıdentteri Vladımır Pýtın men Barak Obama telefon arqyly ekijaqty yntymaqtastyq,
qaýipsizdik máselelerin jáne E. Snoýdenge baılanysty jaǵdaıdy talqyǵa saldy.
Bul týraly RF basshysynyń baspasóz hatshysy Dmıtrıı Peskovqa silteme jasaǵan RBK jazyp otyr.
«Amerıkalyq taraptyń bastamasymen RF jáne AQSh prezıdentteri telefon arqyly sóılesti. V. Pýtın men B.Obama ekijaqty yntymaqtastyq jáne qaýipsizdik máseleleri boıynsha ózara pikir almasty. Olar E. Snoýdenge baılanysty jaǵdaıdy da talqylady», - dedi D. Peskov.
Buǵan deıin Aq úıdiń resmı ókili Djeı Karnı Barak Obamanyń Vladımır Pýtınge qońyraý shalýy josparlanǵanyn málimdegen bolatyn.
