V. Pýtın Daǵystan prezıdenttigine úsh kandıdatty usyndy
ASTANA. 19 tamyz. QazAqparat - Reseı Prezıdenti Vladımır Pýtın Daǵystan Respýblıkasy halyqtyq jınalysynyń qaraýyna respýblıkanyń prezıdenttigine úsh kandıdatty usyndy. Bul týraly VVS habarlady.
Atap aıtqanda, olardyń arasynda Daǵystan Prezıdentiniń ýaqytsha mindetin atqarýshy Ramazan Abdýlatıpov, respýblıka Esep palatasynyń tóraǵasy Malık Baklıev jáne Daǵystandaǵy Adam quqyqtary jónindegi ýákil Ýmmýpazıl Omarov bar.
Qańtardyń aıaǵynda V. Pýtın bul eldiń Prezıdenti bolǵan Magomedsalam Magomedovtyń ókilettiligin merziminen buryn toqtatý týraly jarlyqqa qol qoıyp, prezıdenttiń mindetin atqarýshy etip Ramazan Abdýlatıpovty taǵaıyndady.
