V.Pýtın A.Serdıýkovtyń ornyna S. Shoıgýdy RF Qorǵanys mınıstri etip taǵaıyndady
ASTANA. 6 qarasha. QazAqparat - RF Prezıdenti Vladımır Pýtın «Oboronservıs» AAQ-da bolǵan daýǵa baılanysty (urlyq kólemi 3 mlrd. rýblge baǵalanady) eldiń qorǵanys mınıstri Anatolıı Serdıýkovty otstavkaǵa jiberdi.
Qorǵanys mınıstrliginiń basshysy qyzmetine Máskeý oblysynyń gýbernatory Sergeı Shoıgý taǵaıyndaldy, dep habarlaıdy RosBıznesKonsaltıng.
Serdıýkov myrzanyń otstavkasy týraly prezıdent búgin tańerteń Qorǵanys mınıstrliginiń jańa basshysy S.Shoıgýmen bolǵan kezdesýde jarııalady. Ótken aptada Vladımır Pýtınniń rezıdentsııasynda Anatolıı Serdıýkovtyń ózi de boldy. Ol kezde prezıdenttiń baspasóz hatshysy Dmıtrıı Peskov «Prezıdent tergeýge kómektesýge tapsyrma berdi» dep málimdegen bolatyn. Qazan aıynyń aıaǵynda tergeýshiler Qorǵanys mınıstrliginiń baqylaýyndaǵy «Oboronservıs» AAQ-nyń jer jáne aktsııalarmen jasaǵan alaıaqtyǵy úshin birden bes qylmystyq is qozǵady.
